"ပန်းတိုင်"

                       "ပန်းတိုင်"

ခရီး......
နီးမည် ဝေးမည် ငါသည်မသိ...
လမ်း......
ကြမ်းသည် ကောင်းသည် ငါသည်မတွေး...
ရာသီ...
သာယာသည် ဆိုးသည် ငါသည်မတွက်...
ဒီနေရာမှ ခွာမှဖြစ်မည် ငါယုံကြည်၏
မိနစ်ထက်ဝက် ဆက်နေမရ
စိတ်ဆန္ဒက ပြင်းပြ၍သာ
ငါထွက်လာခဲ့ ဘာပြင်ဆင်မှု့တစ်ခုမရှိ
အဆီးအတား များလည်းရှေ့ဆက်
တစ်ရက်မရောက် တစ်လလျှောက်မည်
ပေါက်တဲ့ခရီး တစ်ဆစ်နီးပြီ
ငါ့ယုံကြည်ချက် ငါ့အသက်လေ
ငါ့ယုံကြည်ချက် ငါ့လက်နက်လေ
နေရာဟောင်းမှာ ငါသည်မနေ
သွားရင်းသေအံ့........

တုံးမောင်းခေါက်သံ (မိုးသီးဇွန် )

တစ်။

ကုန်သည်လေ တိုက်ချိန် ကြ မှ
ငါဒို့ ဟာ လက်ဗလာနဲ့ 
အိမ်ကိုပြန်လာကြ။
လယ်တွေကို ဒို့ မပိုင်ကြတော့ဘူးလေ ။

ဒါမြေကိုသိမ်းတာမဟုတ်၊
ဘ၀တွေကိုဖျက်သိမ်းလိုက်တာလေ။

မြေတွေကိုယူသွားတာမဟုတ်
ရွှေတွေကိုယူသွားတာ။
တောင်တွေကိုယူသွားတာမဟုတ်
အပြုံးတွေကိုယူသွားတာ။
ထန်းတော ကိုယူသွားတာမဟုတ်
ယဉ်ကျေးမှုကို ယူသွားကြတာလေ။
သူတို့ တံခါးတွေ ဖွင့်၊
ဒို့  တခါးတွေကို ပိတ်လိုက်တာ။

နှစ်ပေါင်း ၅၀ ကျော်အတွင်း၊
ခနခန ပြောင်းလဲခြင်းတွေထဲမှာ
ပြောင်းလဲခွင့်မရသူတွေသာများလာရဲ့  ။
လမ်းကောင်းကောင်းပေါ်မှာ မလျှောက်ခဲ့ရပေဘူး။
ကျောင်းကောင်းကောင်းမနေခဲ့ရဘူး။
ဆေးရုံကောင်းကောင်း ပေါ်မပြခဲ့ရဘူး။
ဈေးကောင်းကောင်း မ၀ယ်ဖြစ်ခဲ့ဘူး။
ဒီတော့
လူကောင်းကောင်းမဖြစ်ခဲ့ဘူးဆိုပါတော့။

လူတွေကြုံ လှီလာတာနဲ့အမျှ
တယောက်ကိုတယောက်
အမုန်းပွားဖို့ လွယ်လာကြတာပဲရှိတယ်။
ဒါကိုသူတို လိုခြင်နေတာလေ။


နှစ်။


သူတို့ တခါးမဖွင့်ခင်အချိန် အထိ
ရွာပတ်လည်မှာတောင်တွေရှိနေသေးတယ်။
တောတွေရှိနေသေးတယ်။
ရေတွင်းထဲကရေကိုသောက်လို့ ရသေးတယ်။
ဖွင့်ထားတဲ့တံခါးက
ယင်ကောင်တွေတ၀ီးဝီးဝင်လာကြတယ်။



သုံး။


ပျား၊ပိတုန်း၊လိပ်ပြာတွေ
ရေကန်မှာ ကြာရိုးကြာစွယ် တွေနဲ့  လှနေတဲ့ ရွာဟာ ၊
မနက်မှာ နေ
ည မှာ လ။
လယ်တောနဲ့ တောင် ပဏာရ
သွယ်လျလျ မြစ်ကြောင်း
နှစ်ပေါင်းများလှပေါ့။
ဘူတိုဇာတွေ ၀င်လာကထဲက  ကတည်းက
ဖုန်တထောင်းထောင်းထ၊
အကျည်းတန်သွားခဲ့ရပြီ။

အဖိုးတွေ လက်ထက်ကတည်းက
တောလိုက်ခဲ့တဲ့ တောင်။
ခွေးလျှက်ထားတဲ့ပန်းကန် လို ပြောင်သလင်းခါလို့ ၊
ကျွဲလူး အိုင်လို ဟောက်ပက်၊
(ယောက်ဖရေ)
တကယ့်ရုပ်ပျက်ဆင်းပျက်ပါပဲ။



လေး။


ဒီတောင်ပေါ်မှာ
ပဒပ်စာ ခူးရင်း ၊
မမင်း ရယ်လေ၊
မြှစ်စို့  ပေါက် အသွင်
မစွမ်းရင်းက ရှိခဲ့ကြ။

‘’ စပယ်နှစ်ပွင့်ကိုထရံကာမိကြတယ်။’’
ချစ်သူတို့ ပေါ့…။
တရွာလုံးကို
လျှောက်ပြုံးပြခဲ့တဲ့နေရက်တို့ ပေါ့။
မိုးရွာလို့ နမ်း၊
လေတိုက်လို့ နမ်း။
ချစ်လို့ နမ်းနဲ့ 
ဘ၀မှာအနမ်းဟာအရေးကြီးဆုံးပဲ။
ဒါကိုသိသည့်နောက်
ခြေလှမ်းတိုင်းဟာယုံကြည်မှုရှိလာတယ်။


လက်ပန်နဲ့  ဇရက်
သက်တန့်နဲ့  မိုးစက် လို တပူးတွဲတွဲ၊
ချစ်ပွဲကြီး နွှဲ ခဲ့တယ်။

တောင်ပေါ်မှာတခါ၊
တောင်အောက်မှာတခါ။
ရှိုထဲမှာတခါ။
မခွဲနိင်မခွာရက်၊
ရက်ဆက် ကြိုထောက်။
ချစ်သူနှစ်ယောက်အကြောင်း၊
လက်ပဒေါင်း တောင် သက်သေတည်ခဲ့ပြီ။

အို .. ကိုးမြို့ ရှင် ..
အရင်လိုပဲ
လာ ပါ။
 စားပါ။
သောက်ပါ။
 ပျော်ပါးပါ။
ပုဆိုးတန်းတင်ပွဲမှာ။
အချစ်တခုရဲ့  မြစ်ဖျားခံရာ ဟာလဲ
နီညိုရောင်  သန်း
ဟော့ဒီ … တွန့် ခေါက်တောင်တန်း ပါပဲ။



ငါး။

ဒီနယ်တရိုးမှာ
ဒို့ ရွာပေါ်က
မိုးကောင်းကင်ဟာ
အပြာ ဆုံး။
ငါဒို့့မြေပဲဟာဆီအထွက်ဆုံး။
ထန်းမြစ်ဟာအချိုဆုံး။
သားတွေဟာ အသန်မာဆုံး
သမီးတွေဟာအချောဆုံး။
စံနှုန်းတွေကို ဂုဏ်ယူခဲ့ကြ။
လူဟာ အောင်မြင်မှုထက် တန်ဖိုးရှိမှု ကို ပို လိုလား
ဒါဟာဒို့ရွာရဲ့  ထုံးထားပါပဲ။

တရွာလုံးက အပျိုမ တွေ ၊
ဆင်းကူးနေကြ၊
လှတဲ့ မြစ်။
ချစ်တဲ့လှိုင်း၊
နွားရိုင်းမောင်းသံ
မြစ်ရိုးမှာကျွတ်ကျွတ်ညံခဲ့။
မြစ်ဆိုတာ လူနဲ့ သတ္တ၀ါတွေကြား၊
သစ္စာတရား တခုပါပဲ။
ငါဒို့ ရွာသားများ ဟာ
ကျွဲနွားတအုပ်ကစ
ငါးသန်သေးနုပ်အဆုံး
အားလုံး အပေးယူ မျှ မျှ နေခဲ့ကြတယ် ။
 တပုံကိုယူ၊
တပုံကိုလျှူ  ခဲ့ကြရဲ့ ။

ခုတော့ ..
အက်ဆစ်တွေက
မြစ်ပြင်ကိုမီးတင်လိုက်ကြပြီ။
တောင်ကြီး တွေ ပြို သွားရင်
ထန်းပင်တွေ ရင်ကွဲ၊
မိုးတိမ်တွေလည်း လွှင့်ပါးပျောက်
ဗျိုင်းအောက် တွေ မပျံဝဲ နိင်တော့ပေဘူး။


ခြောက်။


ဒီမြေမှ နေ
ဒီရေကိုသောက်။
ငါနဲ့ ငါယောက်ဖ
လည်ပင်းဖက်ကြီးလာကြရဲ့  ။
မြေပဲနှုတ်အပြီးအပြန်၊
ကျူးကျော်သူတွေ လို့ သတ်မှတ်ခံလိုက်ရတယ်။
ဒို လယ်တွေပြန်မရတော့ပေဘူး။

ပါးစပ်က ထန်းရေ နံ ထ  တာကလွဲလို့ 
ငါဒို့ ဟာ ဥပဒေကိုမချိုးဖေါက်ခဲ့ကြပါဘူး။
တိုင်းပြည် အပေါ်မှာသစ္စာမဖေါက်ခဲ့ကြပါဘူး။
အဖမြင်းဖြူရှင်ကို ပူဇော်မပျက်ခဲ့ပါဘူး။

ငါယောက်ဖ က တအံတသြနဲ့ 
‘’ ဒို့ မြေပဲခင်းတွေအားလုံး ကို နိင်ငံတော်က ပို်င်သတဲ့ကွ’’
လို့ ဆိုလိုက်တဲ့အခါ
ရွာတော့ အပမှီ ပြီဆိုတာသိလိုက်ကြတယ်။

ကုန်သည်လေ တိုက်ချိန် ကြ မှာ
ငါဒို့ ဟာလက်ဗလာနဲ့ 
အိမ်ကိုပြန်လာကြ၊
လယ်တွေကို ဒို့ မပိုင်ကြတော့ဘူး။

ဒို့ ရွာပတ်ပတ်လည်မှာ
ကျန်ခဲ့တဲ့ အရာတွေက
ခေါစာပြစ်လို့ မရတဲ့ ခရိုနီတွေရယ်
မကျူးးကျော်ရဆိုတဲ့ဆိုင်းပုဒ်တွေရယ်၊
ရောဂါဆိုးတွေရယ်၊
ကျွတ်ကျွတ် အိပ်တွေ ရယ်ပါပဲ။


ခုနစ်။

သူငယ်ချင်းကောင်းယောင်းမတို့ ရေ ၊
ငိုမနေကြနဲ့ 
မိုးမချုပ်မီ
စောစောလာခဲ့ကြ။
ကောက်ဆွ တွေယူခဲ့ကြ။
ယာတွေကိုမီးရှို့ ကြမယ်။

လယ်ကွင်းတွေထဲက တေးသံ လွင့်ပျံ  ....၊
နာနာဘာဝမှန်သမျှ
 မောင်းထုတ်ကြတဲ့ပွဲ မှာ၊

တုံးမောင်းခေါက်သံတွေ၊
ဘ၀ဂ်ညံ..
နေရခြိမ့် မယ်။


(မိုးသီးဇွန် )

ဒီဇင်ဘာ ၄၊၂၀၁၂ ။


လက်ပဒေါင်းတောင်ရွာ သူရွာသားများနှင့် နော်အုန်းလှ၊
ကိုဟန်ဝင်းအောင်၊ ကိုအောင်စိုး တို့ အတွက်။

" ကာလနဂါး " (မင်းခိုက်စိုးစန်)

အရေးတကြီး နိုးထစရာမလိုဘူးဆိုရင်
ငါ ဆက်ပြီး အိပ်နေချင်လို့ပါ ..
“ဘဝ..” ဆိုတာနဲ့ ဘာလို့ “ရှင်သန်ခြင်း..”လို့
အဓိပ္ပါယ်ဖွင့်ဆိုရတာလဲ
ငါကတော့ အိပ်နေရတာကိုပဲ .. ကြိုက်တယ် ၊

ရုပ်ရှင်ထဲက ဇာတ်လိုက်လောက်တော့
ငါလည်း တောက်လျှောက်ကြီး မကောင်းနိုင်ဘူးပေါ့..
သံပတ် ခပ်လျော့လျော့နဲ့ပဲ နေတတ်တယ်..
လေ့ကျင့်ခန်း မှန်မှန်လုပ်မှ
ပထမ ရမယ်ဆိုရင်
ငါ ရှင်ဘုရင်တောင် မဖြစ်ချင်ဘူး ၊
ကျေးဇူးပြုပြီး .. ငါ့ကို
“စောက်ရူး..” လို့ ခေါ်ပါ ...
မမြင်ချင်တာတွေ အားလုံးအတွက်
မျက်စိသေးသေးလေးနှစ်လုံးကို ပိတ်ထားလိုက်ရုံပါပဲ
ဟော .. ငါ ဘယ်လောက်လိမ္မာတဲ့ ကောင်လဲကွယ် .. ၊
ဟောဒီ .. စောက်ရူးမှာ
ယဉ်ကျေးမှု ထွန်းကားပါတယ် ...
ငါ့ဆီ ဂုဏ်ပြုဖိတ်စာ ပို့ဘို့မလို
ငါ့လိပ်စာကို ငါမသိ
ငါ့ အုတ်ဂူကိုလည်း မင်းတို့
အလေးပြုဘို့ အကြောင်းမရှိပေဘူး ..
အို … မိတ်ဆွေတို့
နိုင်ငံကြီးသားအပေါင်းတို့ ..
သွေးနဲ့ကိုယ် သားနဲ့ကိုယ်
မှားယွင်းကြ၊
ပက်လက်မျောဘို့အတွက်
တံတွေးခွက်ကြီးကြီးလိုက်ရှာကြ၊
ငါကတော့
စောင်ထူထူကို ခေါင်းမြီးခြုံ
ကိုယ့် ကိုယ်ကျင့် .. ကိုယ်
စိတ်လုံလုံနဲ့ အိပ်တယ်..
နိုင်ငံကျော်တွေအားလုံးကို .. သနားတယ်၊
မင်းတို့ ငါ့လောက်
ဘယ်သူမှ အိပ်ရေးမဝခဲ့ကြပါဘူး ။
( မင်းခိုက်စိုးစန် )

ဆရာမြသန်းတင့်ရဲ့ တဂိုးဝတ္ထုများ

ခလုပ်နှိပ်ပြီး ဒေါင်းနိုင်ပါသည်။

ဒါလေးကတော့ စကားပုံ အလင်းပြကျမ်းပါ...

ခလုပ်ကိုနှိပ်ပြီး ဒေါင်းနိုင်ပါသည်။