မျက်နှာပွင့်ဆေး ဆေးပေါင်းခတဲ့ည

         ဆေးပေါင်းခတဲ့ညလို့ အသံကြားလိုက်တာနဲ့ မှော်ဘီ မရမ်းတလင်း၊ အယူတော်မင်္ဂလာခြံကို ကျွန်ုပ်၏ အမြင်အာရုံများက ပြေးလွှား ရောက်ရှိသွားကြသည်။ တကယ်တော့ ဒီတစ်နှစ်မှာ တန်ဆောင်မုန်း လပြည့်သည့်တိုင် ဆေးပေါင်း မခနိုင်ပါဘူး။ နက္ခတ်စုံလင်စွာ မထွက်ရှိခြင်းကြောင့်ပင် ဖြစ်သည်။ နတ်တော်လပြည့်နေ့မှသာ နက္ခတ်စုံလင်စွာဖြင့် ဆေးပေါင်းခ ရပေတော့မည်။ မည်သို့ပင်ဆိုစေကာမူ တန်ဆောင်မုန်း လပြည့်နေ့ကို ရောက်ခဲ့လေပြန်ပြီ။ ဆေးပေါင်းခတဲ့ညလို့ ခေါ်ဆိုသမုတ်ကြတယ်။ ဘာလို့ အဲလို သတ်မှတ်ကြသလဲ။ တန်ဆောင်မုန်းလပြည့်နေ့ညဟာ ကောင်းကင် အာကာသမှာ နက္ခတ်တွေ စုံလင်စွာ ထွက်ပေါ်တတ်ကြလို့ပါပဲ။ အဲလို နက္ခတ်တွေ စုံတဲ့အချိန်မှာ မယ်ဇလီဖူးသုပ်၊ မယ်ဇလီဖူး ဟင်းချိုကို ဆေးပေါင်းခတဲ့ အထိမ်းအမှတ်အဖြစ် စားသုံးကြတယ်။ လူတိုင်း အကြမ်းဖျင်းသိထားကြခြင်းမှာ တန်ဆောင်မုန်းလပြည့်ည ၁၂ နာရီပင်ဖြစ်သည်။ အဲဒါကလည်း အတိအကျ မဟုတ်သေးပေ။ တခါတရံ မနက် ၁နာရီခွဲမှ၊ တခါတရံ မနက် ၃ နာရီမှ အစရှိသဖြင့် အချိန်နာရီလည်း တစ်နှစ်နှင့် တစ်နှစ် မတူညီကြပေ။ ဆရာသခင်များမှ ညွှန်ကြားတဲ့အချိန်ကို အတိအကျ လုပ်နိုင်လေလေ ဆေးပေါင်းခတဲ့ညရဲ့ ဆေးများ ဖော်စပ်မှုဟာလည်း အာနိသင် ပြည့်စုံလေလေပါပဲ။

          ဒီလိုမျိုး ဆေးပေါင်းခတဲ့ညမျိုးမှာ ကျွန်ုပ်သည် ကျွန်ုပ်၏ ဆရာရှိရာ မှော်ဘီ မရမ်းတလင်းခြံသို့ နှစ်စဉ်နှစ်တိုင်း ရောက်ရှိစမြဲပင်။ ထိုသို့ သွားရောက်တိုင်းလည်း လပြည့်နေ့မတိုင်ခင် တရက်အလိုကတည်းက ကျွန်ုပ်နည်းတူ ပညာတူ တပည့်များလည်း အနယ်နယ်အရပ်ရပ်မှ စုံလင်စွာ ရောက်ရှိပြီး ဖြစ်ကြသည်။ ကျွန်ုပ်တို့က ဖိတ်ကြားထားခြင်း မရှိဘူး ကျွန်ုပ်တို့နဲ့အတူ ဆေးပေါင်းခမယ့် မိတ်ဆွေ အပေါင်းလည်း တန်ဆောင်မုန်း လပြည့် ညနေကတည်းက တဖွဲဖွဲနဲ့ ခြံထဲသို့ ရောက်လာကြပါပြီ။ သူတို့က မျက်နှာပွင့်ဆေးလိုချင်လို့
လာကြတာ။ နောက်ပြီး ဆေးပေါင်းခချင်လို့ပေါ့ဗျာ။ ကျွန်ုပ်တို့က ထိုသူတို့ သုံးဆောင်နိုင်ဖို့ ညစာ ထမင်းဟင်းများကို ချက်ပြုတ်ရသည်။ ညအတွက် မယ်ဇလီဖူးများကို ပြင်ဆင်ရသည်။ ညလယ်စာအတွက် ဆီထမင်း၊ ကောက်ညင်းပေါင်း၊ လက်ဘက်ရည်များကိုလည်း ပြင်ဆင်ရသည်။ ညနေ (၄) နာရီလောက်ကတည်းက ခြံထဲမှာ လူတရုန်းရုန်းနဲ့ စည်ကားနေပါပြီ။ အဘဆရာရဲ့ တပည့်များကလည်း ရောက်လာသမျှ ဧည့်သည်များအတွက် လိုအပ်တာများကို ဆောင်ရွက်ပေးနေကြပါပြီ။ ညနေ (၅) နာရီခန့်လောက်မှ စပြီး ဆေးပေါင်းခခြင်းအတွက် ကျွန်ုပ်တို့၏ အစီအစဉ်များကို စတင်ပါပြီခင်ဗျာ။

          ၀င်လာသမျှ ရောက်လာသမျှ ဧည့်သည်များကို ပညာတူ တပည့်ဆရာများမှ မေးလိုရာမေး ဖြေကြားပေးကြသည်။ အလကားနော်။ ပိုက်ဆံပေးစရာမလို။ ဗေဒင်မေးလိုသူများက တန်းစီစောင့်ရသည်။ ဟောကြားမည့်ဆရာများကလည်း မျက်စိတဆုံး စီကာရီကာ ထိုင်နေကြသည်။ အပြေးပြိုင်ပွဲတွင် တာလွှတ်လိုက်သည့်ပမာ ပရိတ်သတ်များက အသုတ်လိုက် ၀င်ရသည်။ ဗေဒင်ဆရာ အယောက် (၃၀) ထိုင်နေလျှင် လူ (၃၀) တခါဝင်ရသည်။ တသုတ်ပြီး တသုတ်နဲ့ ဟောလိုက်တာ ည (၉) နာရီ ကျော်လုပြီ။ မေးမည့်လူက မကုန်သေး။ ဆရာများ အာခေါင်တွေ ခြောက်လာကြပါပြီ။ အဲဒီအချိန်မှာ ကျွန်ုပ်တို့ရဲ့ ရောင်းရင်းကြီး လာပါပြီဗျာ။ အသံပြာခြောက်ခြောက်နဲ့ စင်ပေါ်ကနေ အသံပေးနေပါပြီ။ မိုက်ကြီးကို ကိုင်လို့ …….. ဇင်ယော်နီ။ သူကနေ အစီအစဉ်ကို စတင်လှုပ်ရှားလိုက်ပါပြီ။ မင်္ဂလာစကားများကို အစပျိုးလို့ အစီအရင်များကို ဆောင်ရွက်ပြီးချိန်မှာ အသံတု ရဲမြင့်လေး၊ ဟက်ပီးဝေါမှ မျက်လှည့်အဖွဲ့၊ စက္ကောမ၊ ဆရာတပည့်များထဲမှာ အနုပညာ အခံရှိသူများက အလှည့်ကျ ဖျော်ဖြေကြသည်။ ပရိတ်သတ်ကလည်း တ၀ါးဝါးနဲ့။ ဆရာဇင်ယော်နီကလည်း ရယ်စရာ အတော်ပြောတဲ့သူ။ ဒီလိုနဲ့ အချိန်တွေက တဖြည်းဖြည်းနဲ့ ကုန်လာခဲ့ပြီ။ ၁၂ နာရီထိုးလုလုလည်း ဖြစ်လာပြီ။ အဲဒီအချိန်မှာ အဘဆရာကို ၀ှီးချဲလေးနဲ့ ရှေ့ဆုံးမှ တွန်းလာသည်။ နောက်မှလည်း တပည့်တွေက တသီတတန်းကြီး လိုက်ပါလျက်။ စင်မြင့်ဘေးက ရာဇမတ်ကာအထဲသို့ အားလုံး ၀င်ရောက် နေရာယူကြသည်။ အဲဒီနောက် စတင်ပြီး မျက်နှာပွင့်ဆေးကို ဖော်ကြပါပြီဗျာ။

          ဆီတကာ့ဆီထဲတွင် အစေးဆုံး အပျစ်ဆုံးဆီက မုန်ညင်းဆီ။ အဖိုအမ ဆွဲငင်ဓာတ်အရှိဆုံးအရာက သံလိုက်တုံး၊ အဲဒီနှစ်ခုကို ကျောက်ပြင်ပေါ် တင်ပြီးသွေး။ ရလာတဲ့ အရည်ကို ငြို့ငင်ဆွဲဆောင်မှုအရှိဆုံးက စပါးကြီးသဲခြေ၊ ညို့ကျော၊ အဲဒါတွေနဲ့ ထပ်ပြီး သွေးလိုက်တယ်။ ပြီးတော့ ရလာတဲ့ အရည်တွေကို ရေမွှေးနဲ့ရော၊ စုပေါင်းပြီး အိုးကြီးထဲမှာ ထည့်။ နက္ခတ်စုံလင်ချိန်မှာ မေတ္တာသုတ်အစချီပြီး ဂါထာ၊ မန္တယားတွေ ရွတ်ဆိုကြတယ်။ အဲဒီနောက်မှာ ပုလင်းလေးတွေထဲထည့်ပြီး လာသမျှ ပရိတ်သတ်အပေါင်းကို တယောက် တပုလင်းကျ ဝေပေးတယ်။ အဲဒီဆေးက နက္ခတ်စုံလင်ချိန်မှာ ဖော်စပ်ထားတဲ့ဆေးဖြစ်တာကြောင့် အစွမ်းသတ္တိရှိနေတယ်။ ဂမ္ဘီရအစီအရင်များဖြင့် ဖော်စပ်ထားတယ်။ လူတွေကလည်း အဲဒါကို လိုချင်ကြတယ်။ ဈေးရောင်းကောင်းတယ်။ ရောင်းမကောင်းတဲ့ကုန်ပေါ်မှာ အဲဒီဆေးကို ရေနဲ့ဖျော်၊ သပြေခက်လေးနဲ့ပက်ပြီး ရောင်း။ ရောင်းထွက်ကုန်တာပဲ။ နဖူးမှာတို့၊ ပါးမှာတို့။ ကိုယ်တိုင်သုံး။ စန်းပွင့်သလား မမေးနဲ့။ အသက်ခြောက်ဆယ်ကျော်တောင် ၀ိုင်းဝိုင်းလည်တယ်။ သူတို့က အဲဒါကြောင့် လိုချင်ကြတာကိုး။ ပိုက်ဆံမယူဘူး။ အလကားပေးတာဆိုတော့လည်း လာကြသကိုး။ အဲဒီလိုနဲ့ မနက်လင်းပိုင်းကိုရောက်ရော။ အားလုံးပြီးချိန်မှာ ၅ နာရီခွဲ နီးပါးလောက် ရှိပြီ။ အလျှိုအလျှို အဘဆရာကို ကန်တော့ပြီး ပြန်ကြပါပြီ။ ကျန်နေခဲ့သူက ကျွန်ုပ်တို့နဲ့ ဆရာပင် ဖြစ်သည်။ အခုတော့ ဆရာလည်း မရှိတော့ပြီ။ ပညာတူ တပည့်များကိုလည်း သတိရမိသည်။ သို့သော် အကျွန်ုပ်ကား မရမ်းတလင်းသို့ ပြန်မရောက်နိုင်သော နိုင်ငံရပ်ခြားသို့ ရောက်နေခဲ့ပါပြီ။ လူကား ပြန်မရောက်နိုင်သေးသော်လည်း အဘဆရာနဲ့တကွ ဆေးပေါင်းခတဲ့ညလေးများစွာကို သတိရနေမိပါတော့သည်။ ကျွန်ုပ်၏ အဘဆရာဆိုသည်မှာလည်း တခြားလူမဟုတ်ပေ။ ကွယ်လွန်ပြီးမှ ဒေါက်တာဘွဲ့ရရှိခဲ့လေသော အဘဆရာကြီး ဒေါက်တာ မင်းသိင်္ခပင် ဖြစ်လေတော့သည်။ ကျွန်ုပ်မှလည်း ဆေးပေါင်းခတဲ့ညကို သတိရမိသလို ဒီဆောင်းပါးလေးဖြင့် အဘဆရာကြီးအား ကန်တော့မိပါတော့သည်။